拍破台語顛倒勇

主持人 :
節目介紹 :

播出時間:每週日17:05-18:00

臺灣的閩南語當代社會的運用,日新月異,但一般大眾的認識,多停留在鄉土、政治、俗語與風土歷史。此節目透過訪談與小單元設計,讓聽眾瞭解台語語在現代臺灣社會的多元發展,例如用台語講述國際新聞,寫作詩、散文、小說,搬演莎士比亞舞台劇,唱新台語歌,討論社會議題,編輯風土刊物,網路直播,還有教育的最新浪潮:母語家庭等等⋯⋯希望透過此廣播的聲音,讓台語的現代性與生活性廣為人知,進而有更廣闊的用途與更精粹的藝術創造。

邀訪來賓:林秀珊

1.先來請教秀珊,你本底是學校的老師,這馬規心

邀訪來賓:郭雅瑂(Kueh Ngá-bî),專業配音員。

1.今仔日的節目的主題,我模仿日本的電視、電影的名號,叫「配音員的華麗人生」。我認為,配音員一个人愛變(pìnn)幾若種聲,閣愛有聲緣,予人佮意,就肉聲本身,真正是有夠華麗啦⋯⋯我按呢譀想,敢有影?「配音員的真實人生」,到底是按怎?

2.是按怎你會踏入「配音界」,敢講你自細漢就真有才情,予序大、老師、朋友呵咾甲觸舌,才會行這條路?

3.就你專業的看法,你認為台語和華語的配音,有啥物無仝?譬如語音的特色?聲音的表現?使用喙唇、喙舌、嚨喉、呼音的方法?

4.節目上尾,咱來講未來。王眉,若預算和規格無限制,你想欲做啥物配音的作品?

邀訪來賓:陳葶瑀(Tân Tîng-ú),國立臺灣師範大學設計學系畢業,台語小姐設計者。

1.葶瑀,先請問,為啥物欲做「台語小姐」?

2.「拍破台語顛倒勇」這个節目,咱欲來反(píng),就是欲來拍破台語的舊觀念。你做「台語小姐」,是欲來改變啥物?

3.來,咱來空中來紹介「台語小姐」的桌仔耍按怎奕?

4.葶瑀舞「台語小姐」半冬,敢有一个詞?俗語?或者是話語,會當代表你的心情?

5.葶瑀是大甲人,遐上出名的是媽祖。毋閣,佇你的心內,敢有別項代誌,會當代表你的故鄉?你會來讀設計,有啥物在地或者是親情的因端?

邀訪來賓:鄭清鴻(Tēnn Tshing-hông),前衛出版社主編。

1.台語冊和華語冊佇編輯的實務上,有啥物無仝的所在?

2.人講台語會曉講著好,若寫做文字,足濟人講彼看無!字濫糝寫等等。你按怎看?按怎改變大眾對台語文的譬相?

3.就你的專業,你認為台文的出版品,佇字形、字體、排版、用紙、封面、美術設計,會當按怎做?欲按怎予人瞭(lió)著,就知影這是台文冊?佇網路媒體佮推捒行銷,敢有無仝款的手路和通路?

4.清鴻為著台語拍拚遮濟冬,閣創一个「台文萬事屋」,會當小紹介一下?敢有一个詞?俗語?或者是話語,會當代表你這馬的心情?

5.清鴻是屏東人,來到台北拍拚,做遮濟新的物件。看你逐工咧走傱,無閒甲,敢有啥物細漢時仔代誌,是你大漢了後,來為台文拍拚的力量?

邀訪來賓:陳豐惠 (Tân Hong-hūi),老師李江却台語文教基金會執行長。

1.常在有人咧講,這馬台語的連續劇和節目遐濟,為何閣愛加疊一个電視台?敢是「賣龜買鼈」?浪費公眾社會資源?

2.台語電視台若成立,會當來拍破這馬大眾對台語的啥物看法?現此時電視台百偌台,佇這个新時代的新頻道,會當做啥物無仝款的物件?

3.老師和台灣母語聯盟的林佳怡祕書長,佇民視同齊主持「講台語當著時」電視節目,這敢是台語電視台的起鼓?佇製作這節目的過程,有啥物沓沓滴滴、坎坎坷坷的代誌?

4.豐惠老師為著台語拍拚遮濟冬,敢有一个詞?俗語?或者是話語,會當代表你這馬的心情?

5.李江卻基金會遮濟年來為台語釘根,我的觀察,有愈來愈濟少年人來參與。你感覺,少年輩佮往過的做法,有啥物無仝款?

邀訪來賓:MOMO,本名許慧盈(khóo-huī-îng),捌做過電台主持人,這馬是台語電視台的推捒者。

1.MOMO做過真濟代誌,是按怎現此時遮爾仔拍拚,來做台語的推捒?

2.siáng講台語袂當講旅遊,而且閣是直播?去日本全台語直播,有啥物愛準備的?MOMO欲做的因端是啥物?

3.會當講一寡趣味的代誌無?舉某一工佇日本直播的過程?

4.我看MOMO的面冊,規工為著台語來走傱。敢有一个詞?俗語?或者是話語,會當代表你這馬的心情?

5.逐家對台北市、天龍國有真濟誤解。MOMO自出世就徛踮台北火車頭頭前,遐是清朝的台北城,是正台北人。MOMO你理想的台北城,是按怎形?就你認為,台語佇台北這个所在,愛按怎發展才是合理的?

邀訪來賓:周盈成,捌擔任中央社駐日內瓦記者,現此時是世界台(Sè-kài Tâi)台長,用台文播送、書寫國際新聞,

1.盈成,聽講你進前做記者,去予派到瑞士,蹛一站仔,彼爿敢有遐好過日?景緻敢有遐爾媠,人敢好鬥陣?

2.你佇公視網站PNN的專欄「世界台」,是台灣媒體唯一有常態的台「文」新聞,是台語文字,毋是像電視、廣播干焦有「台語」。而且這馬有「粉絲頁」的,我講「冬粉站」,你做「世界台」,是欲改變啥貨?

3.有反嘛有起(khí),有拍破嘛有新起,你做的代誌,有啥物新的觀念佮物件?

4.佇你心肝頭,敢有一个詞,會當代表你家己?

5.你做台語T恤,辦讀冊會,做影片,出版廖玉蕙的有聲冊,做甲遮爾拚勢,因端是為啥貨?記持中有啥物感動的故事?