拍破台語顛倒勇

主持人 :
節目介紹 :

播出時間:每週日17:05-18:00

臺灣的閩南語當代社會的運用,日新月異,但一般大眾的認識,多停留在鄉土、政治、俗語與風土歷史。此節目透過訪談與小單元設計,讓聽眾瞭解台語語在現代臺灣社會的多元發展,例如用台語講述國際新聞,寫作詩、散文、小說,搬演莎士比亞舞台劇,唱新台語歌,討論社會議題,編輯風土刊物,網路直播,還有教育的最新浪潮:母語家庭等等⋯⋯希望透過此廣播的聲音,讓台語的現代性與生活性廣為人知,進而有更廣闊的用途與更精粹的藝術創造。

邀訪來賓:林慕真(Lîm bōo-tsin),世新大學學生,《普通代誌》台語專輯作詞作詞和主唱。

今仔日,咱欲來紹介一塊唱片,叫《普通代誌》,是世新大學廣電系的三位學生的畢業制作,六塊歌攏全台語的喔!佇空中的現場,咱來邀請的是作詞作曲閣唱歌的林慕真:

一、這塊專輯的頭一个概念,是母語,講著「語言保育」,來佮聽眾朋友開拆一下?

三、恁來到台北這个大都市讀冊,心境是按怎?讀大學這四年有啥物變化?

四、專輯第二个概念是聲音地景,這是啥物?恁四界去錄音,抾拾聲音,敢有趣味的心適代?

伍、專輯第三个概念是環境,恁的關懷真曠闊,思考著環保、食食、土地、城市和人類的發展,按怎來橐入去專輯內面?

六、敢有一个詞、一句話,會當講出恁無暝無日做專輯的心情?

邀訪來賓:阮光民(ńg Kong-bîn),漫畫家,畫過刺客列傳、東華春理髮廳、幸福調味料、天國餐廳、警賊:光與闇、用九柑仔店(iōng-kiú kám-á- tiàm),其中,《東華春理髮廳》閣拍做連續劇。

一、咱做囡仔的時陣,攏足愛看尪仔冊的,紲咧就想欲畫。你敢是細漢愛看尪仔冊,畫咧畫咧就成做專業的畫家?
二、光民兄的作品真濟,今拄出版鐵道奏鳴曲,背景是新竹鐵路局的內灣支線,有真濟感動的故事,光民兄來講一段予聽眾朋友感動一下?
三、我看你的尪仔冊,工夫毋若幼秀,畫的手路變化多端,故事的背景釘根台灣人的四常生活,誠有人情味。欲完成遮厚工的尪仔冊,幕後的過程是按怎?
四、比並日本遐爾發達、奢颺,全世界攏佇咧痟的動漫產業,愛請光民用你的認捌和角度,來看台灣尪仔冊「現此時」產業的發展摻困境?
五、尪仔冊畫遐濟冬,你心聲是啥?

邀訪來賓:樹德科技大學表演藝術系學生: 高毓惟(Ko Io̍k-uî),導演。 高子傑(Ko Tsú-kia̍t)演員。 廖嫻蓁(Liāu Hân-tsin),歌手。

這三个人攏是樹德科技大學表演藝術系的學生,今年秋天欲來搬一齣台語新劇,叫《媽祖五巷196號》。

九月二九到十月初一,三工,踮高雄駁二藝術特區的正港小劇場,隆重演出,這齣戲的slogan是:

咱的厝,總算起好矣!

一、這齣戲的劇情是按怎行的?全部偌濟人來搬?幕前幕後?聽講有表演,跳舞,唱歌?

二、咱就來請嫻蓁來唱歌,先來紹介這條歌的內容?

三、恁感覺搬台語劇,和華語的有啥物無仝?口白?風格?內容?

四、對恁這沿的、一九九〇年出世的囡仔來講,台語是啥物?為啥物會來行表演藝術這條路?

五、敢有一个詞、一句話,是你搬這齣戲的心聲?

邀訪來賓:許正輝(Khóo tsìng-hui),國中老師, 慢跑專家。

一、 咱錄音的時間是八月初,你逐工走逐工走,已經連紲走幾工矣?敢袂忝?為啥物堅心欲按呢走落去?

二、 咱欲走標運動,對熱身和體操,走的姿勢、喘氣、速度,到走煞了後的食食和保養,有啥物愛注意?走標敢有法度減肥?走標運動對身體有啥物優點?心肺功能?血筋?頭殼?精神?

三、這幾冬,咱台灣人痟走標,我去看一个「全國賽會」網站,2017規年上少有三百場大大細細的「慢跑比賽」。齣頭有夠濟,媽祖、音樂、看鳥仔、花海、火金蛄、溫泉;閣有西瓜、葡萄、根蕉、檨仔、啤酒 ⋯⋯你有啥物看法?

四、節目的上尾,請問正輝兄,敢有一个詞、一句話,代表你走遐冬的心聲?

邀訪來賓:林欣誼(Lîm Him-gî),台大外文系畢業,佇報社走藝文線九冬,出版《老雜時代》。

欣誼規台灣走透透,採訪各地的

邀訪來賓:王昭華(Ông Tsiau-huâ),歌手、台文作家。

一、請問你的台語歌是按怎起步的?彼時你徛踮淡水,毋若緣分真深,閣成做你創作的肥底。對你來講,淡水是啥物款的所在?

二、你搬轉去屏東、高雄,而且寫足濟台語文章,毋若幼路,用詞閣媠,閣有真濟在地的智識,譬如菜市仔、地名、食食和師傅的功夫。昭華佇2011年得著台灣文學獎.台語散文金典獎,是我個人認為,現此時台語散文寫甲上好的作家之一。昭華,為啥物你會按唱歌行來文學創作?

三、咱這馬就來請昭華讀一篇散文〈白話字〉,閣來討論台語散文寫作的鋩角?

四、你莫看昭華聲音真溫柔,人好鬥陣。其實,伊是真有想法的人,是一个思想家。昭華用唱的、寫的來推捒台語

邀訪來賓:林育世(Lîm Io̍k-sè),巴黎第十大學博士,藝術策展人。

咱今仔日的節目,欲來相對看,比較台語和法語,主題是:時間。

ㄧ、咱先來講一寡輕鬆的,育世兄,法國人佮台灣人,佗一个較準時?法國人的時間觀念,有啥物特殊的所在?

二、咱這馬就用台語一工的時間用詞,來和比較法語,來看內底的精差和時間觀念的無仝款?

三:咱按呢哲學式的比較了後,育世兄個人體會,敢有佗一个詞、話語、或者是俗語,會當代表台語的時間?

邀訪來賓:林秀珊(Lîm Siù-san),國中音樂老師,現此時是專職媽媽。

1.先來請教秀珊,你本底是學校的老師,這馬規心